خانی نیوز، زنار تۆڤی:
کۆمەکا نۆشداران تیما كۆڤید _ 19 ل کۆمەلگەها شاریا پێكئینا و دێ ب خۆبه‌خشی سه‌رپه‌رشتیا نه‌خۆشێن كۆرۆنایێ كه‌ن.
نۆشدار شەوکەت عەجاج کۆرۆ، سەرپەرشتیارێ وێ تیمێ بۆ خانی نیوز دیار کر: تیما “كۆڤید _19” : تیمەکا نۆشداری یا خۆبەخشە، نە یا حکومی یە و یا سەربەخۆ یە، یا تایبەتە ب خزمەتکرنا تۆشبوویێن نەخۆشیا کۆرۆنایێ ڤە و پێکدھێت ژ کۆمەکا نۆشدار، پەرستار و کارمەندێن ساخلەمیێ یێن خوەجھێن کۆمەلگەھا شاریا، ل گەل ھاریکاری یا کۆمەکا گەنجێن کۆمەلگەھێ کو خودان شیانن د وارێن جۆدا جۆدا.
ناڤهاتی ئاشكرا ژی كر: ژ ئەنجامێ زێدەبوونا رێژا تۆشبوویێن نەخۆشیا کۆرۆنایێ ل کۆمەلگەھا شاریا و پێدڤی یا خەلکێ ب ھاریکاریێ یه، وەک ھەستکرن ب بەرپرسیاتیێ وان ب فەر دیت و ب ئەرکێ خوە زانی ب شێوەیەکێ خۆبەخش ڤی كاری بكه‌ن.
عەجاج کۆرۆ گۆت ژی: ئەرکێ وان بەلاڤکرنا رێکێن خوەپاراستنێ یه د ناڤ خەلکی دا، دانا رێنمایی و شیرەتان بۆ تووشبوویێن نەخۆشیا کۆرۆنایێ و بەرسڤدانا پرسیارێن و چاڤدێری و دویڤچوونا ره‌وشا وان.
تیما كۆڤید_19 یا نۆشداری ل کۆمەلگەھا شاریا ھاتە راگەھاندن
