خانی نیوز:
شیره‌تكاره‌كێ سه‌رۆك بارزانى راگه‌هاند، حه‌یده‌ر عه‌بادى، سه‌رۆكوه‌زیرێن پێشتر یێ ئیراقێ د ده‌مێ بۆرى دا چل و پێنج ملیار دۆلار ژ بودجه‌یا هه‌رێما كوردستانێ برینه.
كیفاح مه‌حموود، شیره‌تكارێ میدیایى یێ سه‌رۆك بارزانى بۆ رۆژنامه‌یا شه‌رقولئه‌وسه‌ت راگه‌هاند، تا نها هنده‌ك كه‌س ب ئایدۆلۆژیا ب كارئینانا هێزێ بۆ نه‌هێلانا ململانێ د ناڤه‌را هه‌ولێرێ و به‌غدایێ و پارێزگه‌هێن دى یێن ئیراقێ دا هزر دكه‌ن، وه‌كو یا عه‌بادى ل شازده‌ى ئۆكتوبه‌را دوهزار و هه‌ڤدێ كرى.
كیفاح مه‌حموود ئاشكار كر، رێككه‌فتنا د ناڤبه‌را حكومه‌تێن هه‌رێمێ و یا فیدرال دا بۆ وێ یه‌كێ یه سنۆره‌كى بۆ مالوێرانى و سه‌ره‌ده‌ریێن ب دیناتى ب دانن، یێن بووینه ئه‌گه‌رێ مالوێرانیا شنگالێ ژ به‌ر وان هێزێن چه‌كدار یێن چووینه وێ ده‌ڤه‌رێ و ب تایبه‌ت په‌كه‌كێ.
شیره‌تكارێ سه‌رۆك بارزانى ئاشكرا ژى كر، تا نها حه‌یده‌ر عه‌بادى، سه‌رۆكوه‌زیرێن پێشتر ب هزرا پێشتر هزر دكه‌ت، یا ئیراق گه‌هاندیه ڤێ ئاستى و شكه‌ستنێن سیاسى.
ل گۆره‌ى گۆتنا كیفاح مه‌حموود، د چار سالێن ده‌ستهه‌لاتا عه‌بادى دا ئه‌و نه‌شیا ئیراقێ پێشڤه ببه‌ت، ده‌مێ زێده‌تر ژ پێنج سالان ژى پشكا بودجا هه‌رێما كوردستانێ كو دبنه چل و پێنج ملیار دۆلار برینه و تا نها كه‌س نزانیت ئه‌و پاره كیڤه چووینه.
كیفاح مه‌حموود: عه‌بادى 45 ملیار دۆلارێن بودجا هه‌رێمێ برینه
