خانی نیوز:
زنجیره‌یا نوو یا مه‌رایا ژ قاره‌مانییا ئه‌كته‌رێ بناڤ و ده‌نگ یاسر عه‌زمه دێ ل سالا دوهزار و بیست و ئێكێ هێت پێشكێشكرن.
یاسر عه‌زمه، ئه‌كته‌رێ بناڤ و ده‌نگێ سووری پشتی ماوه‌یه‌كێ درێژ دوباره دێ ڤه‌گه‌ریته وارێ ئه‌كته‌ریێ و قاره‌مانییا زنجیره‌یا نوو یا مه‌رایا كه‌ت و ل سالا دوهزار و بیست و ئێكێ دێ هێت پێشكێشكرن كو وه‌ك داوی پشك ژ وێ زنجیرێ د ێ هێت تۆماركرن.
وێنه‌كرنا زنجیره‌یێ ژی دێ ل شامێ و ئه‌بو زه‌بی بیت ب پشكدارییا عابد فه‌هه‌د، صه‌فا سولتان، وه‌فا موصلی، سه‌لما ره‌شید، قه‌یس شێخ نه‌جیب و وائل شه‌ره‌ف بیت.
مه‌رایا زنجیره‌یه‌كا ره‌خنه‌گر یا كۆمێدی یه، پشكا ئێكێ ل سالا هزار و نه‌هسه‌د و هه‌شتێ و دوێ ب قاره‌مانییا یاسر عه‌زمه هاته پێشكێشكرن، بناڤ و ده‌نگترین زنجیره‌یه و كه‌ڤتییه د مالێن ئه‌ره‌بی دا كو چیرۆكێن جودا و چاره‌كرنا ئاریشه‌یێن جڤاكی ب شێوه‌یه‌كێ كۆمێدی پێشانداینه.
یاسر عه‌زمه دێ د زنجیره‌یا نوو یا مه‌رایا دا ڤه‌گه‌ریت ئه‌كته‌ریێ
