خانی نیوز، ئێقبال عومەر:
فرۆكێن سوپایێ توركیا ب به‌هانه‌یا هەبوونا بنگەهێن پارتیا كاركه‌رێن كوردستانێ پەكەكێ ئه‌ڤرۆ چیایێن سنۆرێ ناحیا شێلادزێ ب دژواری بۆمباران كرن
پەیامنێرێ خانی نیوز ل دەڤەرا ئامێدیێ راگه‌هاند، فرۆكێن سوپایێ توركیا ئەڤرۆ رێكەفتی، ١٢/١٢/٢٠٢٠ ل دەمژمێر ١١:٢٠ بەری نیڤرۆ ب به‌هانه‌یا هەبوونا بنگەهێن چەکدارێن پارتیا كاركه‌رێن كوردستانێ پەكەكێ چیایێ کورەژاری ل سنورێ ناحیا شێلادزێ ب دژواری بۆمبه‌باران كر.
ئێقبال عومەر، پەیامنێرێ خانی نیوز ل شێلادزێ ئاشكرا كر، فرۆكێن توركیا ب دووراتیا دو كیلۆمەتران ژ سەنتەرێ ناحیا شێلادزێ بۆمبه‌باران كرییه و ژ ئەگەرێ هێزا مەزنا بۆمبه‌بارانێ و دەنگێ بلند، پتریا مالباتێن وێ دەڤەرێ ژ مالێن خوە دەرکەفتن و ترس و لەرز ل نك وان دروست بویە، تا نها ژى زیانێن وێ بۆمبه‌بارانێ نەهاتینە زانین.
دو سالێن بووری ل سنورێ قەزا ئامێدیێ ب گشتی (۳۰) كەسێن سڤیل ژ ئەگەرێ شەرێ بەردەوام د ناڤبەرا پەكەكێ و هێزێن توركیا دا شەهید بووینە و پتریا وان خەلكێ ناحیا شێلادزێ بووینە.
