خانی نیوز:
سه‌رۆك بارزانى ئه‌ڤرۆ ل هاڤینگه‌ها پیرمام پێشوازى ل هنارتیێ سه‌رۆكێ فه‌له‌ستینى و ئه‌میندارێ گشتیێ ته‌ڤگه‌را فه‌تح كر.
سه‌رۆك مه‌سعوود بارزانى پێشوازى ل لیوا جوبراییل ئه‌لره‌جووب، هنارتیێ سه‌رۆكێ فه‌له‌ستینێ كر و هه‌ردو ئالییان به‌حس ل په‌یوه‌ندیێن دیرۆكى یێن گه‌لێن كوردستانێ و فه‌له‌ستینێ كر، دوپاتى ژى ل پێشڤه‌برنا وان په‌یوه‌ندییان كر.
لیوا جوبرائییل ئه‌لره‌جووب، سلاڤێن مه‌حموود عه‌باس، سه‌رۆكێ ده‌ستهه‌لاتا فه‌له‌ستینى گه‌هاندن سه‌رۆك بارزانى و حێبه‌تییا خوه ب پێشكه‌فتنا هه‌رێما كوردستانێ د ده‌هـ سالێن بوورى دا دیار كر و راگه‌هاند، سه‌ره‌راى هه‌بوونا ئاریشان و شه‌رێ دژى داعشێ، هه‌رێما كوردستانێ گاڤێن باش به‌ر ب پێشكه‌فتنێ هاڤێتینه.
ژ ئالیێ خوه‌ڤه سه‌رۆك مه‌سعوود بارزانى سوپاسییا مه‌حموود عه‌باس، سه‌رۆكێ فه‌له‌ستینێ كر و سوپاسییا گه‌لێ فه‌له‌ستینێ و ئازادیخوازێن فه‌له‌ستینى كر یێن د رۆژێن دژوار دا پشته‌ڤانییا خه‌باتا گه‌لێ كوردستانێ كرى.
