خانى نیوز، زنار تۆڤى:
ئه‌ڤرۆ ئێكشه‌مبى 13/12/2020، ب مه‌ره‌ما هه‌بوونا گه‌ریلایێن په‌كه‌كێ ل سنۆری ناحیا كانى ماسێ، تۆپخانێن سۆپایێ تورکی گوندێ كێسته ل سنۆرێ ناحیا کانی ماسێ ل قه‌زا ئامێدیێ تۆپباران کر، لێ چ زیانێن گیانى نه‌گه‌هشتینه خه‌لكێ وى گوندى.
سه‌ربه‌ست سه‌برى ئاكره‌یى، رێڤه‌به‌رێ ناحیا كانى ماسێ بۆ خانى نیوز دیار كر: ل ده‌مژمێر 07:30 سپێدێ تۆپخانێن سۆپایێ تورکی پێنج گوله تۆپ ل چیایێ زنارا كێسته و ده‌ردورا گوندێ كێسته داینه، هه‌ر چه‌نده وان تۆپان چ زیان نه‌گه‌هاندینه خه‌لكێ، لێ ترس لده‌ف خه‌لكێ گوندى دروست كریه.
هه‌روه‌سا هه‌ر هه‌یام هه‌یام تۆپخانه و فرۆكێن توركى زنارا كێسته و ده‌ردورا وى گوندى بۆمبه باران دكه‌ن چه‌ندین جاران ژ ئه‌گه‌ری وێ بۆمبه بارانێ زیان گه‌هشتیه خه‌لكێ گوندى.
