سه‌رۆكوه‌زیرێن ئیراقێ ب سه‌رۆكاتیا شانده‌كێ مه‌زنێ حكوومی به‌ر ب ئه‌نقه‌ره‌یا پایته‌ختێ توركیا ب رێكه‌فت.
ئۆفیسا سه‌رۆكوه‌زیرێن ئیراقێ د به‌یانه‌كێ دا راگه‌هاند، مسته‌فا كازمى ئه‌ڤرۆ رۆژا پێنجشه‌مبى 17/12/2020، ب سه‌رۆكاتیا شانده‌كێ مه‌زنێ حكوومی به‌ر ب توركیا ب رێكه‌فت.
ئاشكرا ژى كر، مسته‌فا كازمی دێ دگه‌ل ره‌جه‌ب ته‌یب ئه‌ردۆغان، سه‌رۆككۆمارێ توركیا و به‌رپرسێن دی یێن وى وه‌لاتى كۆم بیت.
ل گۆره‌ى به‌یانا ئۆفیسا كازمى، شاندێ ئیراقێ دێ هه‌ماهه‌نگییا د ناڤبه‌را ئیراق و توركیا گوتوبێژكه‌ن و دانوستاندنێ ل سه‌ر هنده‌ك دۆسه و بابه‌تێن دى یێن گرنگێن هه‌ڤپشك كه‌ن.
