ئێک ژ پرۆژێن مەزن ل سەر ئاستێ پارێزگەها دهۆکێ پرۆژێ ستارس بێجان یێ خودانکرنا ماسیایە ل بێگۆڤا، ل سەردەمێ کۆرۆنایێ دا ژبەر قەدەغەیا ده‌ركه‌فتنێ و گرتنا دەرگەهێن سنۆری و فرۆکخانا، زیانێن مەزن گه‌هاندینه وى پرۆژەیى.
عەلی بەشیر، خۆدانێ پرۆژێ ناڤبرى بۆ خانی نیوز دیار کر، ل سەردەمێ كۆرۆنایێ دا زیانێن مەزن ب پرۆژەیێ وان كه‌فتینه و نێزیکى سێسه‌د هزار ماسیێن ژ جۆرێ سەلەموون ژبەر نەبوونا تۆمکی مرینه، ژبه‌ركو ئه‌و تۆمك بۆ وان ژدەرڤەیی وەلاتی دهێت، ل سەردەمێ کۆرۆنایێ دا هه‌موو ده‌رگه‌هێن هەرێمێ هاتبوونە گرتن و رێک ب وان نەدهاتە دان تۆمکێ ماسیان بیننە هەرێمێ، ژبەر وێ یه‌كێ زیانەکا مەزن گەهشتییه پرۆژەیێ وان.
ناڤهاتی گۆت ژى: هەتا نها ئه‌و ژلایێ حکومەتا هەرێما کوردستانێ ڤە نەهاتینە قەرەبووکرن، ل دووڤ گۆتنا عەلی، خودانێ پرۆژه‌ى سالانە ئه‌و دشێن شه‌شسه‌د تەنێن ماسیێن سەلەموون بەرهەم بینین، هیڤیا وان ئەوە حکومەتا هەرێما کوردستانێ هاریکاریا وان بکەت، داكو بشێن پرۆژێ خوه مەزنتر لێ بکەن و وان شیان هەنە بەرهەمێ خوە ڤرێکەنە دەرڤەیی وەلاتی ژى.
خانى نیوز، نزار مه‌جید گولى:
