خانی نیۆز:ره‌مه‌زان هه‌رنی
دگه‌ل هێرشێن چه‌كدارێن داعش ل ساڵا 2014 ێ بۆ ده‌شتا مووسڵ هژماره‌كا وه‌ڵاتیێن مه‌سیحی هاتبوونه ره‌ڤاندن و هه‌تا نوكه چاره‌نڤیسی وان یێ نه‌دیاره، سه‌ره‌رای كۆ نوكه ژی ره‌وشا مه‌سیحیا ل ده‌شتا مووسڵ نه یا ئارامه.
كلارا عۆدیشۆ ،سه‌رۆكا فراكسیۆنا ئاشووری و سریانی و كلدانی ل په‌رله‌مانێ كوردستانێ بۆ خانی نیۆز راگه‌هاند : پشتی رێكخراوا تیرۆستی یا داعش ساڵا 2014 ێ هێرش كریه سه‌ر ده‌شتا مووسڵ پتری 100 كه‌سێن مه‌سیحی هاتنبوونه ره‌ڤاندن كۆ پرانیا وان دانعه‌مر بوون، هنده‌ك ژوان كه‌سێن هاتینه گرتن كۆ زارۆكبوون هاتینه رزگاركرن به‌رامبه‌ر كۆژمێن مه‌زن یێن پارا،ئه‌وێن مایی ده‌ستێ داعشدا هه‌تا نوكه چاره‌نڤیسیێ وان یێ نه‌دیاره و نزانین ماینه ساخ یان مرینه.
گوتژی : نوكه ره‌وشا ده‌شتا مووسڵ نه یا باش و ئارامه و یا بێ خزمه‌تگوزاریه، وه‌ڵاتی ماینه بێ كار و چۆ ده‌لیڤێن كاری نینن و پرانیا گه‌نجا قه‌ستا ده‌رڤه‌ی وڵاتی كریه، ئه‌وێن زڤرینه‌ڤه به‌هرا پتر جوتیار بوون گه‌نم و جه‌هی د چینن و ساڵا بووری گه‌نمێ وان هاتیه سوتن ژلایێ گروپێن چه‌كدارێن حه‌شدا شه‌عبی ڤه.
دیسان گۆت: ئه‌و جهێن هاتینه خرابكرن هه‌تا نوكه خراببوویی ماینه‌و نه‌هاتینه ئاڤاكرن، ئه‌وێن زڤرینه‌ڤه د نه‌چاربوون، نوكه‌ژی چۆ ره‌وش نینه و دهێنه بێزاركرن ، خرابیا ره‌وشا سیاسی و ئابووری و ئه‌منی ل ئیراقێ گه‌له‌ك كاریگه‌ری لسه‌ر مه‌سیحیا كریه ژبه‌ركۆ مه‌سیحی ل ئیراقێ هاتینه پشت گوهـ هاڤێتن و گرنگیا خو نینه ل ئیراقێ.
