نوونەرێن ھەردو وەزارەتێن ناڤخۆ و پێشمەرگە ل ژۆرا ئۆپراسیۆنا ھەڤپشک ڕاگەھاند، شاندەکێ ئێمناھیا ئیراقێ بۆ دانوستاندنا ل دۆر رێکارێن ئێمناھی و ئیداری یا پرۆسا ھەلبژارتنێن ئیراقێ گەھشتنە ھەولێرێ.
ئەڤرۆ رۆژا دووشەمبی رێککەفتی ٢١/١٢/٢٠٢٠ لیوا عەبدولخالق تەلعەت نوونەرێ ھەردو وەزارەتێن ناڤخۆ و پێشمەرگە ڕاگەھاند، پێشوازیا شاندێ بلندێ ئێمناھیا ئیراقێ ھاتە کرن، مەرەم ژ ھاتنا شاندێ ئیراقێ سەرەدانا مەیدانی یا کوگەە و بنکێن دەنگدانێ ل ھەولێرا پایتەخت و دانوستاندنا گرتنا بەرا رێکارێن ئێمناھی و ئیداری و برێڤەبرنا پرۆسا ھەلبژارتنێن بھێت یێن ئیراقێ، کو بڕیارە ٦/٦/٢٠٢٠ بھێنە ئەنجامدان.
لیوا تەلعەت ھەروەسا راگەھاند، شاندێ ئیراقێ سوبەھی دێ ل گەل پارێزگارێ ھەولێرێ ب وەکالەت کومبن، بۆ ھندێ پێدڤیێن ھەلبژارتنان بھێنە بەحسکرن و ببیتە راپۆرەک بۆ حوکمەتا ئیراقێ بھێتە ھنارتن.
نوونەرێ ھەردو وەزارەتان خوەیاکر، شاندێ ئێمناھیا ئیراقێ پشتی بدووماھی ئینانا کارێن خۆ ل ھەولێرێ دێ سەرەدانا پارێزگەھێن دیتر یێن ھەرێما کوردستانێ کەن.
