وەزارەتا دارایی یا حکومەتا ھەرێما کوردستانێ و ب پشتەڤانییا نڤیسارەکا بانکا ناڤەندییا ئیراقێ، نڤیسارەکا فەرمی ل دۆر بھایێ دۆلارێ ئەمریکی ھمبەری دینارێ ئیراقی دەرکر و ھەموو وەزارەت و دەستە و فەرمانگەھێن ھەرێمێ ئاگەھدار کرینە.
ل گۆرەی نڤیسارا وەزارەتا دارایی یا حکومەتا ھەرێما کوردستانێ یا تایبەت ب بھایێ دراڤێ بیانی، ئەو بریار دێ ل ھەموو فەرمانگەھـ و سازیێن ھەرێما کوردستانێ ژ رۆژا بیست و ئێکی کانوونا ئێکێ یا سالا دوھزار و بیستێ کار پێ ھێتە کرن.
وەزارەتا دارایی یا حکومەتا ھەرێمێ د نڤیسارا خوە دا ئاشکرا کرییە، ھەر ئێک دۆلارێ ئەمریکی ھمبەری ھزار و چارسەد و پێنجی دینارێن ئیراقێ یە، ئانکو ھەر سەد دۆلار ھمبەری سەد و چل و پێنج ھزار دینارانە.
