خانی نیۆز،
سەرۆکاتیا ھەرێما کوردستانێ ئارمانکرن و ھێرشکرنا دوھی ل سەر بالیۆزخانا ئەمریکی ل بەغدایێ شەرمزارکر.
دبەیاننامەکێ دا، سەرۆکاتیا ھەرێما کوردستانێ گۆت: دوباەرکرن و بەردەوامیا ڤی رەنگێ ھێرشان ھەڤدژی بەرژوەندیێن ئیراقێ و سەروەریا وەلاتی نە، ل گەل چ قانوونێن نێڤدەولی ناگونجن، بێ گۆمان دەرئەنجامێن خراب بوو ھەنە و پەیوەندیێن ئیراقێ ل گەل وەلاتێن دیتر دێ بەر ب ئاڤارەکێ مەترسیدار ڤە بەت.
زێدەباری وێ چەندێ ژی گۆتیە، ئەرکێ حوکمەتا ئیراقێ یە پاراستنا سەلامەتیا بنگەھێن دپلوماتکاری و پاراستنا سەر و سامانێ وەلاتیان بکەت، دڤێت رێکارێن پێدڤی ھەمبەری رێگرتنا دوبارە نەبوونا وان ھێرشان بھێنە کرن، و ئەو کەسێن بڤان کاران دابن بھێنە گرتن و رادەستی دادگەھی بھێنە کرن.
سەرۆکاتیا ھەرێمێ ھێرشا ل سەر بالیۆزخانا ئەمریکی شەرمزارکر
