سەرۆکوەزیرێ حكومهتا ھەرێما کوردستانێ مەسروور بارزانی پێشوازی ل فەرماندارێ ھێزێن ئۆپەراسیۆنێن تایبەتێن ھەڤپەیمانان ل ئیراق و سووریێ کر.
دوێ ھەڤدیتنێ دا کو کۆنسۆلێ گشتییێ ئهمریکا ل ھەڤلێرێ رۆب واڵەر ئامادە بوو بەحسێ رەوشا ئیراقێ و دەڤەرێ و گرنگیا ھەڤکاریێ د ناڤبەرا ھێزێن پێشمەرگەی و ھێزێن ھەڤپەیمانان دا ھاتە کرن و تەکەزی ل بەردەوامكرنا پشتەڤانیێ بۆ هێزێن پێشمەرگە ژ بۆ رووبرووبوونا گەفێن تەرۆریستێن داعشێ ھاته کرن.
فەرماندارێ ھێزێن ئۆپەراسیۆنێن تایبەتێن ھەڤپەیامان ل ئیراق و سووریێ دا زانین كو ھەرێما کوردستانێ ههڤپشكهكێ گرنگێ ئامەریکا و ھەڤپەیمانایە ل دهڤهرێ
سەرۆکوەزیر ژبلی کو سوپاسیا ھێزێن ھەڤپەیمانان کر ژ بەر ھەڤکاریێن وان بو ھەرێما کوردستانێ د رووبرووبوونا تیرۆرێ دا، بەحسێ گرنگیا جێبهجێکرنا رێکەفتنا شنگالێ و دەرکەتنا ملیشیایان ژ وێ دەڤەرێ کر، دا کو هێمنی و ئارامی ڤهگهرێته وێ دهڤهرێ و رێ ل بەر ڤەگەریانا پەنابەران بۆ جهـ و وارێن خو.
ھەر وهسا سهرۆكێ حكومهتێ تەکەز کر کو پێدڤیه ھێزێن چەکدارێن نەیاسایی ژ ھەرێما کوردستانێ دەرکەڤن، دا کو ھەموو ھێز و شیانێن مە دتهرخانكریبن ژ بۆ روی برویبوونا تیرۆرێ.
