هه‌ژماره‌‌كا ژن و زارۆیێن داعشێن یێن ب ره‌گه‌ز بیانى ب رێیا هه‌رێما كوردستانێ بۆ وه‌لاتێن وان هاتن ڤه‌گه‌راندن.
فه‌رمانگه‌ها په‌یوه‌ندیێن ده‌رڤه یێن هه‌رێما كوردستانێ راگه‌هاند، ب هه‌ڤكارى و هه‌ماهه‌نگییا وه‌زاره‌تا ناڤخوه و فه‌رمانگه‌ها په‌یوه‌ندیێن ده‌رڤه یێن حكومه‌تا هه‌رێما كوردستانێ، هه‌ژماره‌‌كا ژن و زارۆیێن داعشێ یێن ب ره‌گه‌ز ئه‌لمانى و فنله‌ندى، ڤه‌گه‌راندنه وه‌لاتێن وان.
ل گۆره‌ى راگه‌هاندنه‌كا فه‌رمانگه‌ها په‌یوه‌ندیێن ده‌رڤه یێن حكومه‌تا هه‌رێما كوردستانێ، ئه‌و مالاتێن داعشێ ل كه‌مپێن باكورێ رۆژهه‌لاتێ سووریێ بوون، ب رێیا ئاخا هه‌رێما كوردستانێ و ل فرۆكخانا ناڤده‌وله‌تى یا هه‌ولێرێ ب فرۆكه‌یه‌كا تایبه‌ت بۆ وه‌لاتێن وان هاتن ڤه‌گه‌راندن.
ئه‌و ژن و زارۆكێن داعشێ ژ دوازده زارۆیێن ب ره‌گه‌ز ئه‌لمانى، دو ژن و شه‌ش زارۆیێن ب ره‌گه‌ز فنله‌ندى پێكهاتبوون.
فه‌رمانگه‌ها په‌یوه‌ندیێن ده‌رڤه یا حكومه‌تا هه‌رێمێ راگه‌هاند ژى، پرۆسا ڤه‌گه‌راندنا وان كه‌سان ب هه‌ڤكارییا لایه‌نێن په‌یوه‌ندیدار یێن هه‌رێما كوردستانێ بوو، ژ رۆیێ دابینكرنا ئاسایش و هاریكاریێن لۆجستى و ته‌كنیكى.
پرۆسا ڤه‌گه‌راندنا وان بیست و سێ كه‌سان ب پشكدارییا تیمه‌كا دبلۆماسى یا ئه‌لمانیا و فنله‌ندا و ب هه‌ماهه‌نگییا لایه‌نێن په‌یوه‌ندیدار ل حكومه‌تا هه‌رێما كوردستانێ بوویه.
