رۆژ بۆ رۆژێ ئاریشێن جڤاكى زێده دبن، ئه‌گه‌رێ سه‌ره‌كی یێ دروستبوونا وان ئاریشان ژى بۆ خراب بكارئینانا تۆرێن جڤاكى دهێته زڤراندن.
موقه‌ده‌م محه‌مه‌د ئه‌مین عه‌لى، به‌رپرسێ نڤیسینگه‌ها به‌رهنگارییا توندوتییا یا دژى ئافره‌تان ل ئاكرێ بۆ خانی نیوز راگه‌هاند، ل ڤان سالێن داویێ پتریا ئاریشێن خێزانى هاتیه تۆماركرن ب ئه‌گه‌رێ خراب بكارئینانا تۆرێن جڤاكی بووینه، گه‌له‌ك جاران ژى هه‌ڤژین رێگریێ ل ئێكدو دكه‌ن تۆرێن جڤاكی یان ته‌له‌فۆنێن ژیر بكار بینن.
موقه‌ده‌م محه‌مه‌د ئه‌مین عه‌لى گۆت ژی: پتریا وان ئاریشێن دهێنه تۆماركرن ل ژیێ شازده بۆ بیست و دو سالێى نه، و پتر ئاریشه د ناڤبه‌را وان ژن و زه‌لاما دا روودده‌ن یێن زوو ژیانا هه‌ڤژینیێ پێكئیناى، هنده‌ك حاله‌ت ژى گه‌هشتینه دادگه‌هێ و ژێك جوودابوون په‌یدابوویه.
ئاشكرا ژى كر، ل دووڤ ماددێ دو ژ قانوونێ، هه‌ركه‌سێ سه‌رپێچیێ بكه‌ت دێ ب كۆژمێ ئێك ملیون تا پێنج ملیونان هێته سزادان، هه‌كه ئاریشه جارا دویێ بیت سزا زیندانكرنه ژ ئێك هه‌یڤ تا شه‌ش هه‌یڤان.
