ئەڤرۆ لیژنا دارایی ل پەرلەمانێ کوردستانێ کۆمبوو ودکۆمبوونێ دا رەوشا نوکەیا بازاڕی ھاتە گەنگەشەکرن، بڕیاردەرێ لیژنا دارایی ژی راگەھاند، بازاڕ دێ ھێتە کۆنتڕۆلکرن و پەرلەمانی چەندین پێشنیاز بۆ حوکمەتێ بەرھەڤکرینە.
محەمەد سەعدەدین، بڕیاردەرێ لیژنا دارایی ل پەرلەمانێ کوردستانێ بۆ خانی نیۆز دیارکر، كو ئەڤرۆ لیژنا دارایی ل دۆر رەوشا بازاڕی کۆمبوویە و بڕیارە ب ھەڤکاریی د گەل حكومەتا ھەرێما کوردستانێ رەوشا بازاڕی بھێتە کۆنتڕۆلکرن، ئەو ژی پشتی وێ بلندبوونا بھایێ کەلوپەلان ل ڤێ دویماهیێ بخوڤه دیتی ژ ئه‌نجامێ بلندبوونا بھایێ دۆلاری و داکەفتنا بھایێ دینارا عێراقی.
محەمەد سەعدەدین ئاشکراکر، چەندین پێشنیاز ژلایێ دەستەیا سەرۆکایەتیا پەرلەمانی ھاتینە بەرھەڤکرن داكو بۆ حوکمەتێ بھێنە ھنارتن، چونکە رەوشا نوکە پێدڤی ب پێداچوونێ ھەیە و نابیت رێک بھێتەدان خەلکەک بناڤێ بلندبوونا بھایێ دۆلاری بھایێ کەلوپەلان زێدەتر بلند بکەت، بتایبەتی بەرھەمێ ناڤخۆ كو ب هیچ ره‌نگه‌كی نابیت بھێتە بلندکرن، چونکە ئه‌و به‌رهه‌م ب دیناری دهێنه كرین وفروتن نه‌ك ب دولارى.
ھەولێر، قائید میرۆ
