گۆمانا وێ چهندێ ههیه كۆ ڤایرۆسێ كۆرۆنایا نوو ل بریتانیا سهرهلداى ل ئیرانێ ژى بهلاڤ ببیت.
ئهندامهكێ كۆمیتهیا زانستى یا بهرهنگاربوونا كۆرۆنایێ ل ئیرانێ دبێژیت، ئهگهر ههیه جۆرێ نوو یێ ڤایرۆسێ كۆرۆنا یێ ل بریتانیا سهرهلداى، ل ئیرانێ ژى بهلاڤ ببیت.
مینۆ مۆحرێز، ئهندامێ كۆمیتا زانستى یا بهرهنگاربوونا كۆرۆنایی ل ئیرانێ راگههاند، دبیت بهرى نوكه ئهو ڤایرۆس بۆ ئیرانێ هات بیته ڤهگوهاستن، چونكى ژمارهیهكا مهزن یا نهخۆشان سهرهدانا نهخۆشخانان كریه، ب رهنگهكى هندهك جاران ل نهخۆشخانان جهێ حهواندنا نهخۆشان نهبوو، ژمارا نهخۆشان ب شێوهكێ مهترسیدار بلندبوو، لێ ئهو پێل هاته كونترۆلكرن.
ب مهبهستا رێگریكرنێ ژ بهلاڤبوونا كۆرۆنا نوو بریتانیا، ئیرانێ گهشتێن خۆه بۆ وى وهلاتى راگرتن، و رۆژا سێ شهمبێ دوماهى گهشتا ئهسمانى دناڤبهرا ئیران و بریتانیا هاته ئهنجامدان.
ل گورى دوماهى ئامارا وهزارهتا ساخلهمیا ئیرانێ، ژمارا توشبوویێن كۆرۆنا ل وى وهلاتى گههشتییه ملیۆنهك و سهد و حهفتێ هزار و حهفت سهد و چل و سێ كهسان، ژ وێ ژمارێ، پێنجى و چار هزار و سێ كهسان گیانێ خۆه ژ دهست دایه.
