سالانە ئاھەنگێن سەرێ سالێ دھێنە گێران و ھەر ھونەرمەندەک ژی ئامادە کارێن خوە بۆ ڤێ رۆژێ دکەت چ مۆزیکژەن بیت، یان سترانبێژ بیت و ھەماھەنگیێ ل گەل جھەکی دکەن و ئاھەنگێن خوە دگێرن، بەلێ ئەڤسالە ژبەر ھاتنا ڤایرۆسێ کۆرۆنایێ ب چ رەنگان ئاھەنگێن سەرێ سالێ ناھێنە گێران.
ئەڤین حسێن، سەرۆکا لقێ دھۆکێ یێ سەندیکا ھونەرمەندێن کوردستانێ تایبەت بۆ خانی نیوز گۆت: ل دووڤ بریارا وەزارەتا ناڤخوه‌یی ھەموو جورێن ئاھەنگێن سەرێ سالێ دێ ھێنە راوەستاندن ل ئوتێل و خارنگەهـ وکافێ و یانەێن شەڤێ، ئەڤ بریارە دێ ل سەرانسەری ھەرێما کوردستانێ ھێتە بجهئینان و نابیت ب چ رەنگەکی ئاھەنگێن سەرێ سالێ بھێنە گێران.
ئەڤین حسێن گۆت: ل دووڤ خالا چاردێ ژ بریارا وه‌زاره‌تا ناڤخوه کو ئاھەنگ ب ھەموو رەنگان ڤە ھاتینە قەدەغەکرن و لژنا ئەمنی ل گەل پارێزگارێ دھۆکێ بریاردا ھەتا رێکەفتی پازده‌یى كانونا دویێ یا سالا نوى، ئاھەنگێن لایف مۆزیک نەھێنە گێران و ھەرکەسەکێ پێگێری ڤێ بریارێ نەبیت و ئاھەنگان ب گێریت، دێ ب کوژمێ دەهـ ملیون دینارێن عیراقی ھێتە سزادان و دیسان بۆ دەمێ ھەیڤەکێ ژی دێ جھێ وی ئێتە دائێخستن.
خانی نیوز:
