خانى نیوز:
بانکا جیهانی دێ كوژمێ 300 ملیۆن دۆلاران وه‌كو قەر ددەتە تورکیا، ئه‌و چه‌ونده ب مه‌ره‌ما هاریكاریكرنا پرۆژێن ناڤنجى و بچووك یێن وى وه‌لاتینه.
وێ بانکێ دیار كرییه، تەرخانکرنا وان 300 ملیۆن دۆلاران دێ بیته هاریكار بۆ هندێ كو رێكێ ل داخستنا پرۆژێن ناڤنجى و بچووك بگریت، چونكى كۆرۆنایێ كاریگه‌ریه‌كا مه‌زن ل سه‌ر وى وه‌لاتى كرییه.
ئۆگەست کوامی، رێڤه‌بەرێ لقێ تورکیا یێ بانکا جیهانی راگەهاندییه، سیاسەتا بانکا جیهانی ئەوه كو هاریكاریا وه‌لاتان دكه‌ت، بۆ هندێ داكو کاریگەریا قەیرانا کۆرۆنایێ ل سەر ئابووری، کۆمپانیا و کرێکارێن وان كێم بكه‌ت و ببیته هاریكاره‌ك جاره‌كا دى گه‌شه‌یا ئابوورى ده‌ستپێبكه‌ته ڤه.
بانکا جیهانی گۆتیه ژى، کۆرۆنایێ و ڤه‌رێژێن وێ کاریگەریەکا وەسا ل سه‌ر ئابوورێ تورکیا كرییه، كو د ڤان چه‌ند سالێن بورى دا روونه‌دایه، کۆمپانیێن وى وه‌لاتى روو ب روو قەیرانا دارایی بووینه.
ستێفکا سلاڤۆڤا، مه‌زنه شیره‌تكارا ئابووری یا بانکا جیهانی گوتییه، ئەو هاریكاریا بانکا جیهانی ب شێوەکێ سەرەکی دێ بۆ پرۆژێن بچووک و ناڤنجى بیت، چونکى نێزیکی 40٪ یا هێزا کارى د کەرتێ پیشەسازی دا ل وان جهان كار دكه‌ن و هژمارەكا زۆر ژ وان كه‌سێن ل وى كه‌رتى كار دكه‌ن، سەرپەرشتییا خێزانێن هەژار و ناڤنجى دکەن.
