رێڤه‌به‌رێ پۆلیسێن هه‌ولێرێ دبێژیت: مه تاوانباره‌ك ده‌سته‌سه‌ركرییه، كو ب گه‌ڤا چه‌كى 10 هزار دۆلار ژ كه‌سه‌كى وه‌رگرتینه، پشتى ده‌سته‌سه‌ركرنا وى دان ب تاوانا خوه كرییه.
دلێر ناجار رێڤه‌به‌رێ پۆلیسێن هه‌ولێرێ به‌لاڤكرییه كو پشكا پۆلیسێن نه‌هێلانا تاوانێ ل هه‌ولێر/ نڤێسینگه‌ها باكوور، پشتى كو وه‌لاتییه‌كى ئه‌م ئاگه‌هداركرین كو ل ژێر گه‌فا چه‌كى ب كوژمێ 10 هزار دۆلاران ژێ وه‌رگرتینه، مه ده‌ست ب ڤه‌كولینانێن هویر كرینه و پشتى ڤه‌كولینه‌كا چر و ب ده‌ستڤه‌ئینانا زانیاریان تومه‌تباره‌ك ب ناڤێ(ج.ا.ش) ب تاوانا ئه‌نجامدانا تاوانا رێگریێ ده‌سته‌سه‌ركرییه، و پشتى هاتییه ده‌سته‌سه‌ركرن دانپێدان ب تاوانا خۆ كرییه.
و ئاماژه ب وێ چه‌ندێ ژى دایه كو په‌رێن ڤه‌كۆلینێ ب تاوانبارى رێكخستینه و ب بریارا دادوه‌رى و ل دویڤ ماددێ 442 ژ یاسایا سزادانێ هاتییه گرتن و ڤه‌كولین دبه‌رده‌وامن.
