ده‌زگه‌هێ ڤه‌كۆلینێن فیدرالى یێ ئه‌مریكى ئێف بى ئاى، وێنێ هێرشكه‌رێ په‌قینا خۆه‌كوژى یا باژێرێ ناشفێل یێ ئه‌مریكى به‌لاڤكر.
ل گۆره‌ى گۆتنا ده‌زگه‌هێ ئێف بى ئاى، ناڤێ تۆمه‌تبارى ئانتۆنى كوین وارنه‌ره، ژیێ وى شیست و سێ ساله. دناڤ ترۆمبێلێ دا بۆمبه دانایه و خوه په‌قاندییه و پارچه پارچه بوویه.
تیمێن ڤه‌كۆلینان پشتى هه‌لگرتنا پارچێن له‌شێ وى، ب رێیا دى ئێن ئه‌ى ناسناما وى ئاشكه‌راكرییه. ده‌زگه‌هێن هه‌والگێرى ژى دیمه‌نێن په‌قینێ به‌لاڤكرن، لێ تا نها ئه‌گه‌رێن وێ روودانێ نه هاتینه ئاشكه‌راكرن.
روژا ئه‌ینییا بوورى، په‌قینه‌ك ل باژێرێ ناشفێل یێ ئه‌مریكى روودا و بوو ئه‌گه‌رێ برینداربوونا سێ كه‌سان و زیان ب هژماره‌كا ئاڤاهییان كه‌فتن.
