وه‌زاره‌تا په‌ترۆلا ئیراقێ راگه‌هاند، دێ شیانێن به‌رهه‌مئینانا په‌ترۆلێ بۆ شه‌ش ملیۆن به‌رمیلان بلندكه‌ت.
كه‌ریم حه‌تاب، بریكارێ وه‌زاره‌تا په‌ترۆلێ بۆ كارۆبارێن به‌رهه‌مئینانێ راگه‌هاند، وه‌زاره‌تا په‌ترۆلێ بزاڤێن خۆه چر كرینه بۆ بله‌زكرنا كارێن پرۆژێ پێشخستنا ئۆمبارێن په‌ترۆلێ یێن قه‌زا فاو ل پارێزگه‌ها به‌سرا، ئارمانج ژ ڤێ یه‌كێ ژى به‌رده‌وامیدانه ب ئاستێ هه‌نارده‌كرنێ ل به‌نده‌رێن باشوورێ وه‌لاتى.
دیار ژى كر، دامه‌زراندنا وى پرۆژه‌ى سیهـ و چار ئۆمبارێن په‌ترۆلێ ب خۆه‌ڤه دگریت كو شیانێن ئۆمباركرانا پێنجى و هه‌شت هزار به‌رمیلێن په‌ترۆلێ هه‌یه. ئارمانجا پرۆژه‌ى ژى بلندكرنا ئاستێ به‌رهه‌مئینانێ یه ژ سێ ملیۆن و پێنج سه‌د هزار به‌رمیلان بۆ شه‌ش ملیۆن به‌رمیلێن په‌ترۆلێ رۆژانه تا سالا 2023.
