جێگرێ سه‌رۆكوه‌زیرێن هه‌رێما كوردستانێ و سه‌رۆكێ شاندێ دانوستاندكارێ هه‌رێما كوردستانێ بۆ به‌غدا راگه‌هاند، هه‌كه ئیراق پروژه‌قانوونا بودجا سالا 2021ێ په‌سه‌ند بكه‌ت، ئه‌و به‌رهه‌ڤن په‌ترۆلێ ب قه‌بارێ 250 هزار به‌رمیلان راده‌ستى كومپانیا سومۆ بكه‌ن.
قوباد تاله‌بانى، سه‌رۆكێ شاندێ دانوستاندكارێ هه‌رێما كوردستانێ بۆ به‌غدا د كونگریه‌كێ رۆژنامه‌ڤانی دا راگه‌هاند: هه‌كه بودجه هاته په‌سه‌ند كرن، حكومه‌تا هه‌رێما كوردستانێ ئاماده‌یه 250 هزار به‌رمیلێن په‌ترۆلا هه‌رێما كوردستانێ راده‌ستى كۆمپانیا سومۆ بكه‌ین
قوباد تاله‌بانى ئاشكرا كر، حكومه‌تا هه‌رێما كوردستانێ هه‌رده‌م ڤیایه ڤه‌گه‌ریته‌ڤه رێككه‌فتنێن سه‌رتاسه‌رى ل گه‌ل حكومه‌تا فیدرال، بودجا سالا 2021ێ ژلایێ حكومه‌تا ئیراقێ ژى ڤه هاتییه په‌سه‌ندكرن و فرێكرییه په‌رله‌مانى، حكومه‌تا هه‌رێما كوردستانێ بۆ وێ پشكا په‌یوه‌ندى ب هه‌رێمێ ڤه هه‌یى، رازینه و دێ پێگیر بن.
قوباد تاڵەبانی گۆتی: به‌رى نها ئاماده‌بوونا خۆ بۆ رێككه‌فتنێ دیار كرییه، نها ژى بۆ بودجا 2021ێ ئاماده‌نه 250 هزار به‌رمیلێن په‌ترۆلێ د رێكا سومۆ را بفرۆشن، هه‌روه‌كو چه‌وا د بودجا سالا 2021ێ دا هاتییه و ل دویڤ ده‌قێ ئه‌وێ یاسایێ دێ پێگیر بن.
