سهركردێ سوننیێ ئیراقێ و پهرلهمانتارێ بهرێ یێ جڤاتا نوونهرێن ئیراقێ دیاركر كو دامهزراندنا ههرێمهكا سوننى تاكه رێكه بۆ دهستهبهركرنا ژیاناكه ئارام بۆ سوننێن ئیراقێ.
مشعان جبوورى، د دیدارهكا تێلهفزیونى دا دووپاتى ل وێ چهندێ كر كو دامهزراندنا ههرێمهكا سوننى دێ بیته زامنێ ژیانهكا ئارام بۆ سوننیان و گۆت: سوننیێن ئیراقێ بزاڤێن بدهستڤهئینانا دهستههلاتێ د ئیراقێ دا نادهن.
جبوورى ئاماژه ب وێ چهندێ ژى كر، ل ههلبژارتنێن بهێت دێ سیستهمێ بایۆمهترى هێته بكارئینان و ب ڤێ چهندێ دێ 60% ژ سهركردێن سیاسیێن ئیراقێ و تهڤگهرێن سیاسى نهچار بن گۆرهپانا سیاسى ب جهـ بهێلن، ئهگهر سیستهمێ بایۆمهترى نههێته بجهئینان، دێ زهمانێ چهك و دهستههلاتێن میلیشیا ل ئیراقێ بهردهوام بیت.
