رێڤەبەریا شوونواران ل ئاکرێ دەمەکە کار ل سەر دوکۆمێنتکرنا شوونوارێن دەڤەرا ئاکرێ دکەت ب رێیا کۆمکرنا زانیاریان و پاراستنا دیرۆكا وان.
ھیوا شەمال، رێڤەبەرێ شوونوارێن ئاکرێ بۆ خانی نیوز راگەھاند: دەمەکە رێڤەبەریا شوونواران ل ئاکرێ بەرنامەیەک بۆ سەرەدانا جھێن شوونواری ل دەڤەرێ دانایە بۆ کۆمکرنا زانیاریان ل سەر وان جھێن ھەتا نها زانیارى ل سەر نەھاتینە کۆمکرن و نەھاتینە دیکۆمێنتکرن .
گۆت ژی : دەڤەرا ئاکرێ ب گشتی ب جھێن شوونواری دەولەمەندە، نھا ژی رۆژانە تیمەکا تایبەت سەرەدانا وان جھێن شوونواری دکەن ل دەڤەرێ و زانیاریان ل سەر کۆم دکەن و ئەرشیڤ دکەن و وەک دیکۆمێنت، مەبەست ژ وێ کومکرنێ ژی ئەوە ئەڤ جھێن شوونواری بھێنە نوژەنکرن و مفا ژێ بھێتە وەرگرتن.
خانى نیوز، ره‌مه‌زان هه‌رنى
