ئێکەتییا زەلامێن کوردستانێ راگەھاند؛ 91 زەلامان ل سالا بووری خوە کوشتینە و 553 سکالا ژی ژ به‌ر توندوتیژیێ ھاتینە تۆمارکرن.
ئێکەتییا زەلامێن کوردستانێ ئەڤرۆ ل باژارێ سلێمانیێ د پرێس کۆنفرانسەکێ دا ئامارا سالا بووری یا توند و تیژییا ل دژی زەلامان راگەھاند؛ 91 زەلامان ل سالا بۆری خوە کوشتینە 30 ژ وان ل پارێزگەھا ھەولێرێ، 39 ل سلێمانیێ، 13 ل دھۆکێ و 3 ل ھەلەبچە بوون.
ل گۆر ئامارا ئێکەتییا زەلامان، 20 حالەتێن فشارا دەرونی و سێکسی و 9 حالەتێن دەست ب سەرداگرتنا مووچەی ژی ھاتینە تۆمارکرن و ئاماژە کر، 197 حالەتێن مایتێکرنێن خێزانی د ژیانا ھەڤژینیێ دا ھاتینە تۆمارکرن.
ھەروەسا 553 زەلامان د سالا بووری دا سکالا تۆمارکرینە و 37 زەلام ژی ژ مالێن وان ھاتینە دەرخستن و 11 کەیسێن توندوتیژییا جەستەیی ھاتینە تۆمارکرن.
