پڕۆسا نووکرنا تۆمارا دەنگدەران دوھی دەستپێکر و بەرپرسەکێ کۆمسیۆنا ھەلبژارتنێن ئیراقێ ژی ئاشکراکر، دەنگێن تایبەت دێ ھێنە جێھگیرکرن بۆ رۆژا دەنگدانێ.
عەبدولرەزاق موشیر، رێڤەبەرێ فەرمانگەھا ھەلبژارتنان ل ھەولێرێ بۆ خانی نیوز دیارکر، پڕۆسا تۆمارا دەنگدەران ژ دوھی دەستپێکرییە و ھەتا دەستپێکا ھەیڤا بھێت ژی دێ بەردەوام بیت، پڕۆسە چەند پرسان بخوەڤە دگریت ژ وان ژی دەنگدەرێن پشکداری د پڕۆسا بایۆمەتری دا نەکری دشێن خوە تۆمار بکەن و بەرۆڤاژی مافێ دەنگدانێ نامینیت.
عەبدولرەزاق موشیر ئاماژە کر، دەنگێن تایبەت یێن ھێزێن پێشمەرگە و ئێمناھیێ ژی دشێن دەنگێن خوە ڤەگوھێزێن بۆ وان بنگەھێن وان دڤێت، ژبەرکو دەنگدانا تایبەت دێ جودا بیت، ھەر پێشمەرگەیەک یان پۆلیس و ھێزێن ئێمناھیێ نھا بخوازن دەنگێ خوە ببەنە کیش بنگەھی دەلیڤەیە.
خانی نیوز، قائید میرۆ، ھەولێر:
