سه‌رۆكێ لقێ دهۆكێ یێ ئێكه‌تیا سه‌ندیكایێن كرێكارێن كوردستانێ ئاشكرا كر: پرۆژه‌قانوونه‌ك بۆ حكومه‌تا هه‌رێما كوردستانێ هاتیه بلندكرن كو ب رێیا خوه بگه‌هینه په‌رله‌مانی، د وی پرۆژه‌ی دا كرێكار دشێن پێشینه‌یا هه‌ڤژینیێ و خانووبه‌ران وه‌ربگرن.
وه‌لات ئه‌مین ئوزمانی، سه‌رۆكێ ئێكه‌تیا سه‌ندیكایێن كرێكارێن كوردستانێ تایێ دهۆكێ بۆ خانی نیوز گۆت: سالا بووری وان 13 هزار 193 پرۆژێن دابینكری هه‌بوون، 7 هزار و 193 كرێكار ژى هه‌نه ل سه‌ر وان پرۆژان كار دكه‌ن، 17 هزار 26 كرێكار وه‌ك ئه‌ندام ل سه‌ندیكا كرێكاران هاتینه تۆماركرن.
وه‌لات ئوزمانی گۆت ژى: ل سالا بووری دو كرێكاران گیانێ خوه ژ ده‌ست دا بوو ئێك خه‌لكێ زاخۆ بوو و ئێك به‌نگلادشی بوویه، ئه‌ندامبونا كرێكاران به‌ر ب زێده‌بوونێ یه و ئه‌و یه‌ك ژی بۆ پێشڤه‌چوونا ره‌وشه‌نبیریا كرێكاران ڤه‌دگه‌ریت.
سه‌رۆكێ ئێكه‌تییا سه‌ندیكایێن كرێكاران ئاشكرا كر، لقێ دهۆك یێ ئێكه‌تییا سه‌ندیكایێن كرێكاران پرۆژه‌قانوونه‌ك پێشكێشكشی حكومه‌تێ كریه و ئه‌ڤه دبه‌رژوه‌ندا كرێكاران دایه و بۆ په‌رله‌مانی هاتیه بلندكرن، هه‌كه ئه‌و پرۆژه بهێته په‌سه‌ندكرن و بیته قانوون دێ گه‌له‌ك مفایی گه‌هینته كرێكاران، د چارچووڤێ ڤی پرۆژه‌ی دا كرێكاران ژی ماف هه‌یه پێشینا خانووبه‌ران و هه‌ڤژینیێ وه‌ك هه‌ر وه‌لاتیه‌كی و فه‌رمانبه‌ره‌كی وه‌ربگرن.
خانی نیوز، سالار محه‌مه:
