شیرەتکارێ سەرۆکوەزیرێن ئیراق بۆ کاروبارێن دارایی راگەھاند؛ پێشبینی دھێنەکرن بھایێ پەترۆلێ بو 65 دۆلاران بلند بیت و بلندبوونا بھایێ پەترۆلێ دێ کورتئینانا بودجەی پرکەت.
مەزھەر محەممەد سالح، راگەھاند؛ پێدڤیە کورتئینانا پرۆژەقانوونا بودجەیا گشتی یا سالا 2021 ب چەندین برگەیان ب کورتئینانا بودجەی پربکەت بودجە پێ بھێتە پرکرن، وەکی بلندبوونا بھایێ پترولێ و کێمکرنا خەرجیان، دێ بنە شونگرێن قەرزان، ل گورەی پێشبینیان ژی تا ھاڤینا بھێت بھایێ ھەر بەرمیلەکێ دێ گەھیتە 65 دولاران و ھەروەسا ل گورەی پێشبینیێن ئەڤرۆ بھایێ ئێک بەرمیلا پەترولا برێنت 53.1 ئێک دۆلارن و پترولا تەکساس ژی 49.59 دۆلارن.
مەزھەر محەممەد سالح ، زێدەتر گۆت ژی: بڕیارا زێدەکرنا بەرھەمئینانا پەترولێ ب رێژەیا 500 ھزار بەرمیلان د رۆژەکێ دا یا کو رێکخراوا ئوپیک ل ڤێ دویماھیێ دای ، ئاماژەیە بۆ زێدەبوونا داخازیا لسەر پترولێ و کێمبوونا پەترولا زێدە ل بازارێن جیھانێ.
ل دویڤ رەشنڤیسا پرۆژەقانوونا بودجەیا فیدرالی یا 2021، ئیراقێ بھایێ فروتنا پەترولێ، چل و دوو دۆلار دەستنیشانکرینە و کێمتر ژ 50% داھاتێ بودجەی دابینکەت، لێ پشکەکا زۆرا دابینکرنا بودجەی، زێدەتر ژ 71 ترلیۆن دینارانە و ب قەرزان دێ ھێنە پرکرن.
