شارەزیه‌كا د وارێ کاروبارێن ژنان دا دیارکر، وەک پێدڤی ل ھەرێما کوردستانێ ژن ناھێنە دیتن، یان ژی کارێن بازرگانی بکەن و گه‌له‌ك ئاسته‌نگ هه‌نه دبنە رێگر ل ھەمبەری شیانێن ژنان.
سەمیرا سالح، شارەزا د کاروبارێن ژنان دا بۆ خانی نیوز گۆت: ژن ژی وەکو زه‌لامى حەز دکەت کار بکەت و یا خودان کاربیت، بەلێ ھەموو دەمان جڤاک و ره‌وشت و تیتال دبنە ئەگەر کو ژن نەشێت ل گۆره‌ى حەز و ڤیانا خوە کارەکێ بکەت، لەورا ژن کێمتر دھێتە دیتن د ناڤ کارکرنا گشتی دا و جڤاک و ره‌وشت و تیتال ھەردەم ئاستەنگان ھەمبەرى شانێن ژنان دروست دکەن و نەشێن بگەھنە ھیڤیی و ئارمانجێن خوه، ئه‌و یه‌ك ژى بوویە ئاستەنگ همبه‌رى ژنان كو کێمتر بگەھن ئارمانجێن خوە یێن کاری .
سەمیرا سالح گۆت ژی: ژن خودان شیانن کا چاوا د ناڤ کاروبارێن رۆژانە یێن مال دا شیاینە سەرکەفتنێ ب دەست خوە ڤە بینن و نفشەکێ نوو ئاڤا بکەن، وەسا شیانێن کارکرنا ئازاد ژی ھەنە، بەلێ ژن وەک زەلامان نینە، ھەکە پشتەڤانی نەبیت و رێگر ھەبن نەشێت چ بکەت، بەلێ ل ڤێ دوماھیێ باشترە ژ سالێن بووری.
سەمیرا سالح، شارەزایا کاروبارێن ژنان گۆت ژى: ھەکە ھەر دەڤەرەکێ ھه‌ژمارەکا کارگەھێن پیشەیی ھه‌بان دا ژن پتر شێت رۆلێ خوه بینت ژ کارکرنا دناڤ کارگەھێن گشتی، بەلێ نەبوونا کارگەھان ژی بوویە ئاستەنگ بۆ ژنان، لەورا یا گرنگە ژن ژ دەرڤەی مال کاربکەت و شیانێن خوە ب مەزێخیت وھێزا خوه دیاربکەت، یا پێدڤیە پشتەڤانیا ژنان ژى بھێتە کرن و بنە خودان کار.
خانی نیۆز، رەمەزان ھەرنی:
