رێڤەبەرییا کارەبا ئامێدیێ راگه‌هاند؛ 2 ملیار و 900 ملیۆن دینار بۆ پرۆژه‌یێن كاره‌بێ ل قه‌زا ئامێدیێ هاتینه ته‌رخانگرن.
ئەندازیار ئارام جەلال بۆ خانی نیوز راگه‌هاند: پشتی سەرەدانا سەرۆکێ حکومەتا ھەرێما کوردستانێ بۆ قەزا ئامێدیێ و ژ نێزیک ھایداربوون ل سەر رەوشا کارەبێ، بریار دا کۆژمێ 2 ملیار و 900 ملیۆن دیناران بهێنه تەرخانکرن ژ بۆ كو ھندەک پرۆژه‌یێن کارەبێ بهێنه چێکرن، نها کار ل سەر 19 پرۆژه‌یان دھێتە کرن و یه‌ك ژ وان ل ناحیا شێلادزێ یه کو 100% ھاتیە بجھئینان و نها دخزمەتا وەلاتییان دا یه.
ئارام جه‌لال گۆت ژی: 4 پرۆژە ژ وان ل ھەموو ناحیێن سەر ب قەزا ئامێدیێ ڤە نه و 15گوھۆرک و پرۆژه‌یه‌كێ موبایل بۆ ویستگەھێ شێلادزێ و گەھاندنا ھێلا کارەبێ بۆ گونده‌كێ کانی ماسێ و 5 گوندێن چەمانکێ، دیسان 6 پرۆژە ل سەنتەرێ قەزا ئامێدیێ و دەوروبەران و 8 یێن دی ل ناحیێن بامەرنێ و دێرەلۆکێ و 5 پرۆژە ل سەرسنکێ.
خانی نیۆز سامی رێکانی
