فراكسيۆنا ئێكگرتوو ل پهرلهمانێ كوردستانێ راگههاند؛ حكومهتێ ب سهرۆكاتییا مهسروور بارزانی گاڤێن باش بۆ چاكسازییان هاڤێتینه و پشتهڤانییێ ل بڕینا زێدهتری 10 هزار مووچهیێن دوباره دكهن.
سهرچنار ئهحمهد، پهرلهمانتارا فراكسیۆنا ئێكگرتوویا ئیسلامى ل پهرلهمانێ كوردستانێ بۆ خانى نیوز گۆت: بڕینا 10 هزار مووچهیێن دوباره و زێدهتر پشكهكه ژ چاكسازیێن حكومهتا ههرێما كوردستانێ و بڕینا خانهنشینێن نهیاسایى گاڤهكا باشه و پێدڤییه د بهردهوامییا چاكسازییان دا كارتێكرن ل سهر مووچهخۆرێن ههرێما كوردستانێ ههبیت.
سهرچنار ئهحمهد گۆت ژى، چاكسازی پرۆسهیهكا باشه و گرنگه ئهو داهاتێ بۆ حكومهتێ ژ چاكسازیێ د زڤریت بهێته راگههاندن و د پروژهیهكێ دی دا بهێته بكارئینان، پێدڤیه دهست بۆ بڕینا مووچهیێن پلهیێن بلند بهێته دان ئهوێن ب نهیاسایى هاتینه خانهنشین كر، خویا ژی كر، .حكومهتێ مووچهیێن پله بلند یێن نهیاسایی هاتین خانهنشین كرن راگرتینه، لێ ئهو دخوازن ئهو مووچه ب ئێكجارى بهێنه بڕین.
دیاركر ژى، ئهو وهك فراكسیۆنا ئێكگرتو پشتهڤانییا چاكسازیێن حكومهتا ههرێما كوردستانێ دكهن، پێدڤیه حكومهت چاكسازیێ د داهاتێ پهترۆل و خالێن سنۆرى ژى دا بكهت، گاڤێن چاكسازیێ بلهزتر بهاڤێژیت و گهندهلكار بهێنه دادگههـ كرن.
خانی نیوز: عهزیز ههورامى
