سەرۆک بارزانی پێشوازی ل دکتۆر سەعد حەمید کمبش سەرۆکێ دیوانا وەقفا سوننی ل ئیراقێ و شاندێ دگەل دا کر، ئەڤرۆ پێنجشەمبی ٧-١-٢٠٢١ ل سەلاحەدین د دیدارەکێ دا سەرۆکێ دیوانا وەقفا سوننی سوپاسییا سەرۆک بارزانی و ھەرێما کوردستانێ کر، کو د رۆژێن تەنگاڤیێ دا دەرگەھێن خۆ بۆ ھزاران ئاوارەیێن ئیراقێ ڤەکرییە، ھەروەسا پێزانین ھەبوون بۆ ئەو ڤەژاندن و پێشکەفتن و خزمەتگوزارییا ھەی کو د سەر وان ھەموو ئاریشێن زۆر ژی ل ھەرێما کوردستانێ ئەو ڤەژاندن ھاتینە ئەنجام دان.
ژلایێ خۆڤە ژی سەرۆک بارزانی وەرگرتنا ئاوارەیان و زیانڤێکەفتییان ب ئەرکەکێ نیشتمانی و مرۆڤی وەسفکر و جەخت ژی کر کو گەلێ کوردستانێ ھەردەم یێ دوورە ژ ھەر جۆرە روانگەیەکا تاییفی، و کار ژی دکەت بۆ کوورکرنا فەرھەنگا پێکڤەژیانێ دناڤبەرا ھەموو پێکھاتەیان دا.
