بریكارا وه‌زاره‌تا كاروبارێن جڤاكى یا حكومه‌تا هه‌رێما كوردستانێ راگه‌هاند؛ بریارە چاکسازی د لیستا کێم ئەندامان دا بھێن کرن و ناڤەندەک ژ بۆ پشکنینا وان بھێت ڤەکرن.
زەکیا سەید سالح، بریکارا وەزارەتا کاروبارێن جڤاكى بۆ خانی نیوز گۆت: بریارا وەزارەتێ یە چاکسازی و پێداچوون د لیستا کێم ئەندامان دا بھێن کرن، ھەموو ناڤێن زێدە ژی دێ ھێن لادان ژ به‌ر كو دبیت رەوشا ھندەک ژ وان یا کێم ئەندامیێ باشتر بیت یان ژی ناڤێن زێدە د لیستێ دا ھەبن و ل گۆرەی قانوونێ ماف نەبیت مفاداربن، ئه‌و ژی دێ ھێن لادان و تنێ ئەو کێم ئەندام دێ مفاداربن ژ پێشینه یێن حوکمەتێ و ل گۆره‌ی راپۆرتا نۆشداری و قانوونێ رێژا کێم ئەندامیێ ھەبیت.
زەکیا سەید سالح ئاماژەکر، د چارچووڤێ گاڤێن وەزارەتا کاروبارێن جڤاكى ل دۆر رەوشا کێم ئەندامان، بریاره ناڤەندەکا سەرەکی ژ بۆ پشکنین و برێڤەبرنا کاروبارێن کێم ئەندامان ل ھەولێرێ بھێتە ڤەکرن، کارێ ناڤەندێ ژی دێ تایبەت بیت ب رەوش و دیارکرنا رێژه‌یا کێم ئەندامیێ.
ھەولێر، قائید میرۆ
