رێکخراوا چاڤدێرییا مافێ مرۆڤی راگەھاندییە، ئەمریکا رێک دایە ھێزێن سوریا دیموکرات کو رێگریێ ل ھێرشێن تورکیا بکەن و نەھێلن دەڤەرێن عەین عیسا و دەوروبەرێن وێ داگیر بکەن.
ل دووڤ راگەھاندنەکا رێکخراوا چاڤدێرییا مافێن مرۆڤی – سوریا ناڤەرۆکا وێ راگەھاندنێ بەلاڤکرییە کو ئەمریکا سۆز دایە ھێزێن سوریا دیموکرات کو ئەو دێ وان پارێزن و پێدڤییە ئەو نەھێلن تورکیا دەڤەرێن دی یێن کوردستانا رۆژئاڤا داگیر بکەن.
وێ راپورتێ ئاماژە ب وێ چەندێ ژی کریە، دەمەکە دەڤەرێن عەین عیسا و دەوروبەرێن وێ بووینە جھێ مەرەما سوپایێ تورکیا و ھێزێن چەکدارێن سەر ب وی وەلاتی ڤە، لێ زانیاری ھەنە کو ھێزێن ئەمریکا سۆز دایە کو کوردان ب پارێزن، و راگەھاندییە ژی کو ھندەک دەڤەر ھێلێن سۆرن و تورکیا نەشێت داگیر بکەت.
ئەڤە دەمێ چەند حەفتییەکە تورکیا چاڤێ خۆ دانایە سەر دەڤەرا عەین عیسا و گۆندێن دەوروبەر، و ل دووڤ زانیارییان ژی تورکیا یا بزاڤێ دکەت رێکا ئێم فۆر (M٤) داگیر بکەت کو رێکەکا نێڤ دەولەتییە و دکەڤیتە باکوورێ رۆژئاڤا سوریایێ و درێژاھیا وێ ژی دگەھیتە ١٢٠ کیلومەتران، ئەڤ رێکە ب دەڤەرێن لاکاتیا و سەرقیب را دبۆریت و ھەتا دگەھیتە سنوورێن تورکیا، ل ھەیڤا چریا دووێ یا سالا ٢٠١٩ێ ب بوویە دەڤەرەکا شەری و گەلەک ژ ھەڤرکیێن سوریا و تورکیا ل وێ دەڤەرێ بوون.
