رێبه‌رێ مه‌زنێ شۆره‌شا ئیرانێ ئینانا هه‌ردو ڤاكسینێن ئه‌مریكی و به‌ریتانی یێن دژی كۆرۆنایێ دوهی بۆ وه‌لاتێ ئیرانێ قه‌ده‌غه كرن.
ئایه‌توللا عه‌لى خامنه‌ی، رێبه‌رێ مه‌زنێ شوره‌شا ئیسلامى یا ئیرانێ، دوهى رۆژا ئه‌ینیێ د په‌خشه‌كێ راسته‌وخۆ یێ ته‌له‌فزیۆنی دا، گومان ژ هه‌ردو ڤاكسینێن دژی كۆرۆنا یێن هه‌ردو وه‌لاتێن ئه‌مریكا و بریتانیا دیاركر و ئینانا وان بۆ وه‌لاتێ خوه قه‌ده‌غه كرن و ئاماژه كر، وه‌لاتێن روژئاڤایى جهێ باوه‌ریێ نینن و د خوازن ئیرانێ ژی وه‌ك وه‌لاتێن خوه پیس بكه‌ن.
خامنه‌یی دیار ژى كر، وان شیان هه‌نه ڤاكسینێ دژی كورونا یێ ژ جهێن باوه‌رپێكرى ب ده‌ست خوڤه بینیت، بێى كو زانیاریێن زێده‌تر دیاربكه‌ت كا مه‌ره‌ما ڤاكسینێ كیژ وه‌لاتى یه.
