فەرمانگەھا میدیا و زانیاری یا حکومەتا ھەرێما کوردستانی راگەھاند: حکومەتێ ل سالا بۆری ٨ مووچە بەلاڤکرینە.
ئەڤرۆ رۆژا شەمبی ٩-١-٢٠٢١ فەرمانگەھا میدیا و زانیاری یا حکومەتا ھەرێما کوردستانێ راگەھاندنەک بەلاڤکر و تێدا خشتەیا دابەشکرنا مووچەیێ فەرمانبەران یێن سالا ٢٠٢٠ ھاتییە بەلاڤکرن، ل گۆرێ وێ راگەھاندنێ: ل سالا بۆری حکومەتێ ٦ تریلیۆن و ٥٠٥ ملیار و ٩٨٨ ملیۆن و ٣٠٧ ھزار و ١٦٧ دینارێن ئیراقێ بۆ مووچەیێن فەرمانبەرێن هه‌رێمێ تەرخانکرینە.
فەرمانگەھا ناڤھاتی گۆتییە ژی: حکومەتا ھەرێمێ ل بەروارێن ١٣ـێ ١، ٩ـێ ٢، ٩ـێ ٣، ٤ـێ ٥، ٢٧ـێ ٦، ١٨ـێ ٨، ١٥ـێ ١٠ و ٣ـێ ١٢ یێن سالا ٢٠٢٠ ئەو ھەر ھەشت مووچە دابەشکرینە.
ل دووڤ وێ خشتەیا کو فەرمانگەھا میدیا و زانیاری بەلاڤکری، حکومەتا ئیراقێ بۆ مەھێن ٥-٦-٧-١٠-١١-١٢ ھیچ بڕە پارەیەک بۆ مووچەیێن فەرمانبەرێن ھەرێما کوردستانێ تەرخان نەکرینە.
فەرمانگەھا میدیا و زانیاری: حکومەتا هه‌رێمێ ل سالا بۆری ٨ مووچە بەلاڤکرینە
