دۆنالد ترامپ، تۆرهكا تایبهت ب بهلاڤكرنا پهیامێن خوه چێكهت پشتی كو ئهكاونتێن وی یێن بهری نها ژ ئالیێن كۆمپانییان ڤه ل تۆرێن جڤاكی هاتینه ژێبرن.
دۆنالد ترامپ، سهرۆكێ ویلایهتێن ئێكگرتى یێن ئهمریكا، راگههاند؛ ئهو دێ پلاتفۆرمهكا تایبهت بۆ خوه ڤهكهت ژ بۆ بهلاڤكرنا پهیامێن خوه، پشتى كۆمپانییا تویتهرى ئهكاونتێ وی ژ مهترسییا رویدانا ئالۆزی یێن مهزن ل ئهمریكا ب ئێكجارى راوهستاندی.
لیندزى گراهام، سیناتورێ پارتا كۆمارى ژی د زنجیرهیهكا تویتان دا رهخنه ل بریارا كۆمپانییا تویتهرى و راگههاند؛ بڕیارا تویتهرێ یا گرتنا ئهكاونتێن ترامپی خهلهتییهكا مهزنه، ئایهتوللا دشێت تویتان بكهت و ترامپ نهشێت، و گۆت ژی: دبیت ژبهر ئاخڤتنێن وی تویتهر وی ژى بلۆك بكهت.
پشتى دۆنالد ترامپى چهندین تویت بهلاڤكرین و ئالیگرێن وى ل چارشهمبا بۆری ب سهر ئاڤاهیێ پێنتاگونێ دا گرتین، كۆمپانیێن تویتهر و فهیسبۆكێ راگههاند، كو ئهوان ئهكاونتێن ترامپى ژێبرینه و راگههاند، ژبهر پێشێلكرنا یاسایێن تویتهرى و هاندانا خهلكێ ئهمریكا بۆ ئهنجامدانا گرژییان و ئێدی ترامپ نكاریت ئهكاونتهكێ دی ل تویتهرێ ڤهكهت.
