زه‌لامه‌كێ ئه‌مریكی ب 9 ملیۆن دۆلاران هات قه‌ره‌بووكرن پشتی كو 28 سالان ب خه‌له‌تی ڤه هاتییه ده‌سته‌سه‌ركرن و زینداكرن.
چێستەر هۆلمان زه‌لامه‌كێ ئەمریکییە ل سالا 1992 د ژیێ 21 سالان دا ل ده‌مێ هاژووتنا ترومبێلێ ل جادده‌یه‌كا فیلادیفێلفیا ب تاوانا ته‌قه‌كرنێ ل زارۆیه‌كێ هات ده‌سته‌سه‌ركرن و ژ به‌ر نه‌بوونا به‌لگه‌یان كو بێ تاوانییا وی بسه‌لمینن ب سزایێ هه‌تا هه‌تایێ هات زیندانكرن، پشتى 28 سالان بێتاوانییا وی دیاربوو، هات ئازادكرن و ب 9 ملیون و 800 هزار دۆلاران قه‌ره‌بووكرن.
چێستەر كو نها ژیێ وی 49 سالن، گۆت: ئازادكرنا وی پشتى 28 سالان بڕیاره‌كا ته‌عل و شرینه ، ئه‌و دزانیت چەندین کەسێن دی یێن بێتاوان ب ده‌هان سالن د زیندانان دا و شەرى ژبۆ دیاربوونا راستی و ئازادیێ دكه‌ن، دیار ژی كرییه، وی چ ئاخفتن نینن بكارت ده‌ربڕینێ ژ ژیێ ژده‌ستدای بكه‌ت.
جیم کێنێی، سەرۆکێ باژێرڤانیا فیلادێلفیا ژی دیاركر، زێده‌بارى نێزیكى 10ـ ملیۆن دۆلارا دێ وه‌رگریت، لێ چ بها نینن قەرەبوویا وى ته‌مه‌نێ ژده‌ست چۆی بكه‌ت و هه‌ڤخه‌مییا خوه بوۆ وى و خێزاناوى ده‌ربری، ژ ئالیه‌كێ دی، خۆشحاله كو جاره‌كا دى بكارت ب خێزانا خوه شادبیت.
