پشتی ده‌ستپێكرنا ژبەلاڤکرنا گازا سپی ل سەر گوند و دەڤەرێن پارێزگەھا دھۆکێ تانوکە ٩٠% گازا سپی ل سنورێ قەزا ئامێدیێ ھاتیەبەلاڤکرن.
ئیسماعیل مستەفا دەڤەردارێ ئامێدیێ بۆ خانی نیوز راگەھاند: بەلاڤکرنا گازا سپی ل ناوچەدارییا کانی ماسێ و ناوچەدارییا شێلادزێ و ناوچەدارییا دێرلوکێ و سەنتەرێ ئامێدیێ بدوماھی ھاتیە و نوکە ل قەدش ل ناوچەدارییا سەرسنکێ بەردەوامە.
گۆت ژی: تانوکە ٩٠% گازا سپی ل سنورێ وێ دەڤەرداریێ ھاتیە بەلاڤکرن .
ناڤبری زێدەتر گۆت : پتری ( ٢٥٠٠٠) سەرۆک خێزان ل سنورێ دەڤەردارییا ئامێدیێ دژین، بتنێ دوو ناوچەداری ماینە ئەو ژی ھەردوو ناوچەداریێن بارمەنێ و چەمانکێنە، ڤان نێزیکان دێ گازا سپی ل سەر وان ژی ھێتە بەلاڤکرن و لدێ پرۆسە ل سنورێ دەڤەرداریا وان بدوماھی ھێت .
دھێـە زانین ھەر سەرۆک خێزانەک (٢٠٠) لیترێن گازێ وەردگریت ب بھایێ (٤٠٠٠٠) ھزار دیناران. ئامێدیێ کو ئێک ژ مەزنترین دەڤەرداریێن پارێزگەھا دھوکێ یە و دەڤەرەکا چیاییە و سالانە رێژەیەکا مەزن یا بەفر و بارانێ لێ دباریت، پتر ژ دەڤەر داریێن دی پێدڤی گازا سپی ھەیە.
خانى نیوز، هه‌یوار ستار
