قەزایا شێخان کو ئێک ژ قەزایێن گرێدایی مادێ ١٤٠ یێ دەستوورێ عیراقێ یە و وەکو قەزایەکا گەشتیاری ژ ئالیێ گەشتیاریا ئۆلی و شوونواری ڤە دھێتە نیاسین ب گۆتنا قائیمقامێ وێ: نھا پەکەکە جھێ مەترسیێ یە ل دەڤەرا وان.
سەردار شێخ یەحیا، قائیمقامێ قەزا شێخان تایبەت بۆ خانی نیوز دبێژیت: پەکەکە بوویە ئەگەر یازدە گوندێن قەزا وان بھێنە چوولکرن و ئێک ژ ئەگەرێن سەرەکی یە کو دەڤەرا وان ب دروستی نەھێتە ئاڤەدانکرن.
شێخ سەردار دیار کر، پەکەکە ھێزەکا داگیرکەر و ترسە ل قەزایێ، لێ رەوش ل ژێر کونترۆلا ھێزێن ئێمناھیێ و پێشمەرگەیێن کوردستانێ دایە.
ل دۆر ھاتنا وان بۆ گوندێ بریفکا یا سەر ب ناحیا ئەترووش ڤە، نافھاتی ئاماژە ب وێ یەکێ کر کو راستە چەکدارێن پەکەکێ ھاتینە دیتن ل بنارا چیایێ بریفکا مزووریان لێ ھێزێن ئێمناھیێ و پێشمەرگەیی رەوش ب زوترین دەم کونترۆل کریە.
ل داویێ قائیمقامێ قەزا شێخان ئاماژە ب ھندێ کر کو ھەبوونا پەکەکێ جھێ ترسێ یە و د نھا دا پەکەکە وەکو ھێزەکا داگیرکەر دھێتە ب ناڤ کرن.
