پشتی ھەشت ھەیڤان حالەتەکێ مرنێ ب کۆرۆنایێ ل چینێ ھاتە تۆمارکرن، لێژنا ساخلەمییا نیشتیمانی یا چینێ راگەھاند: ل ھەرێما ھێبێ ل باکورێ چینێ حالەتەکێ مرنێ ب ئەگەرێ کۆرۆنایێ ھاتییە تۆمارکرن وب وێ ئەگەرێ ل ھندەک باژارێن وێ ھەرێمێ قەدەغەیا ھاتنوچوونێ ھاتییە راگەھاندن.
دھێتە زانین بەری ڤە حالەتی؛ دووماھی کەس ل چینێ ل مەھا ئایارا سالا بۆری ب ئەگەرێ کۆرۆنایێ گیانێ خۆ ژ دەست دابوو. کو بۆ ھەشت ھەیڤان بەری نوکە ڤەدگەریت. چین ئێکەم وەلات بوو کۆرۆنا تێدا سەرھلدای و پاشان گەھشتییە وەلاتێن دی یێن جیھانێ، حکومەتا چینێ ھەر زوو رێکارێن خۆپاراستنێ گرتنەبەر و شییان تارادەیەکێ باش کۆنترۆلا رەوشا وەلاتێ خۆ بکەن.
ھژمارا گشتی یا تووشبونیێن کۆرۆنایێ ل وی وەلاتی ٨٧ ھزار و ٨٤٤ کەسن، ژ وێ ھژمارێ ژی ٤ ھزار و ٦٣٥ کەسان گیانێ خۆ ژ دەست دایە و ٨٢ ھزار و ٣٢٤ تووشبوو ژی چاکبووینەڤە.
