10 ملیۆن کەس ل ئیراقێ ل ژێرھێلا ھەژاریێ دژین و ھەژمارا ئاکنجیێن بەغدا ژ ھەمی پارێزگەھێن دی پترە.
عەبدولزەھرە ھینداوی، پەیڤدارێ وەزارەتا پلاندانانا ئیراقێ راگەھاند: ل ئیراقێ 10 ملیۆن کەسێن ھەژار دژین و ھەژمارا ھەژارێن ئاکنجیێن بەغدا زێدەترن ژ پارێزگەھێن دی.
پشتی ژناڤچوونا رژێما بەعس ل ئیراقێ ل سالا 2003ێ و پەیرەوکرنا سیستەمێ ب ناڤ دیمۆکراسی و ئالۆزیێن ھەژدە سالێن بووری، حکومەتێن ئیراقێ تا نھا نەشیاینە سیستەمەکێ سیاسی و ئابووری یێ رێکخستی ئاڤا بکەن، ژبەر وێ یەکێ ژی رۆژ بۆ رۆژێ رێژا ھەژاریێ ل پارێزگەھێن ناڤەراست و باشوورێ ئیراقێ زێدەتر لێدھێت.
