رێڤەبەرێ چاندنا ئامێدیێ بۆ خانی نیوز دیار کر، 24 سەعەتێن بووری پتر ژ 50 ملیمێن بارانێ ل دڤەرا ئامێدیێ بارینە و ل جھێن بلند ژی بەفر باریە.
ئەندازیار ھەکار ئامێدی، دیار کر، ژ دوھی تا ئەڤرۆ رێژەکا گەلەکا باش یا بارانێ ل دەڤەرا ئامێدیێ باریە، ل سەنتەرێ قەزایێ 38 ملیم، چەمانکێ 54 ملیم، ل ناحیا سەرسنکێ 52 ملیم، ل ناحیا کانی ماسێ 35 ملیم باران و دو سەنتیمەتر بەفر، ل ناحیا بامەرنێ 30 ملیم و ل ناحیا دێرەلۆک ژی 50 ملیم باران بارینە.
ناڤھاتی ئاشکرا ژی کر، ل جھێن بلند و سەرێن چیا بەفر باریە، پترین رێژا بارانێن ئەڤسالە ل ناحیا سەرسنکێ بارینە کو گەھشتیە 227 ملیمان و رێژا بارانێن ئەڤسالە پێش سالا بووری ڤە رێژەکا کێم بوویە کو سالا بووری تا ڤی دەمی کەھشت بوو دورێن 400 ملیمان.
ژ ئالییەکێ دی ڤە رێڤەبەریا سەقاناسی و بیڤەلەرزان ل دھۆکێ رێژا باران بارینا 24 سەعەتێن بووری بەلاڤکر و دیارکر، پترین باران ل دینارتێ و کێمترین ژی ل سێمێلێ باریە.
رێژا باران بارینێ ژ دوھی تا ئەڤرۆ سپێدێ ب ڤی شێوەی بوو:
پتر باران بارین ل دینارتێ بوویە کو 60 ملم، چەمانکێ 55 ملم، سەرسنک 52 ملم، دێرەلۆک 50 ملم بووینە.
سەنتەرێ دھۆکێ 19.4 ملم بارینە و کێمترین دەڤەر ژی باران لێ باری سێمێلێ و باتێلێ بوون و تنێ 14 ملم بارینە.
ل زاخۆ 18.5 ملم ، ئاکرێ 27.8 ملم ، زاویتە 48 ملم، ئامێدی 38 ملم ، بامەرنێ 28.5 ملم، بجیل 51.8 ملم، شێخان 28 ملم، گردەسین 22 ملم، بەردەرەش 17 ملم ، باعەدرێ 17 ملم، دەرکارێ 27.2 ملم، باتیفا 40 ملم بووینە.
