کۆمارا ئیسلامییا ئیرانێ راگەھاند، ئاستێ بەرھەم ئینانا نەفتێ ب رێژا ٩٥% دێ زێدەکەت، ب بەراوردی ب وی ئاستێ كو بەری سەپاندنا سزایێن ئەمریکا بەرھەم دئینا.
ئەحمەد محەمەد ژ رێڤەبەراتییا کۆمپانیا نیشتمانییا ئیرانێ یا نەفتێ ل باشوورێ وەلاتی راگەھاند: ئەو د ئامادەنە بۆ زێدەکرنا ئاستێ بەرھەمئینانا نەفتێ.
ئەوی بەرپرسی بۆ ئاژانسا ئیرنا راگەھاندییە، نوکە ئیران ئامادەیە ب لەز ڤەگەریتە ڤە ناڤا بازارێ نەفتێ، ئەگەر ھات و بایدن ڤەگەریاڤە بۆ رێککەفتنا ناووکی و سزایێن سەر ئیرانێ راکرن، ئاستێ ھنارتنا نەفتێ دێ گەھیتە ٢.٣ ملیۆن بەرمیلێن نەفتێ د رۆژەکێ دا.
ب ئەگەرێ سزایێن ئەمریکا نوکە رۆژانە ئیران ١٣٣ ھزار بەرمیلێن نەفتێ دھنێریت.
