ئەڤرۆ ل گوندێ بێبان ل سنورێ ناوچه‌دارییا ئه‌لقوش دماوێ دەمژمێرەکێ دا ٦٠ پەز مراربوون. (سه‌عید رەشۆ) خودانێ وان پەزان بۆ خانى نیوز راگه‌هاند: ژ نشکەکێ ڤە وان دیت كو پەزێ وان ئێک ل دووڤ ئێکی مراردبن و پشتی دووڤچوونا وان د گه‌ل نوژدارێن ڤێتێرنه‌رى دیار بوو ب ئەگەرێ ژەھر خوارنێ ئەڤ پەزە مراربووینە.
ھەروەسا دیار کر ژی کو وان چ ئاریشەیێن جڤاکی دگەل کەسێ نینە و سکالا ژی تومارنەکریە.
(رێکان ئیلیاس) نوژدارێ ڤێتێرنه‌رى بۆ خانى نیوز راگه‌هاند: پشتی وان دووڤچوون کری دیار بوو كو ژ ئەگەرێ خوارنا توفکێن گولبەروژا یێن ژەھر کری ئەڤ پەزە ژەھراوى بووینه و مراربووینه کو د نھادا جۆتیار دەرمانێ مشکان دگەل توفکێن گولبەروژا تێکەل دکەن و دناڤ زەڤیێن گەنمی پارڤەدکەن ژبو ژناڤبرنا مشکان.
رێژەکا توفکێن گولبەروژا ل پاوانا گوندی یا چەراندنا پەزی ھاتییە پارڤەکرن تانھا ناھێتە زانین کی پارڤە کریە و ب چ ئەگەر ھاتینە پارڤەکرن، ژبۆ پشت راستبوونێ ژى نموونەکا وان توفکان ژلایێ لێژنا نوژداری ژ بۆ نەخوشخانێ ھاتییە شاندن.
نوژدارێ ناڤهاتى گۆت ژى: بۆ جارا ئێکێ یه حالەتەکا ب ڤی رەنگی رویبدەت.
خانى نیوز، قه‌حتان عه‌دنان
