یانا مانچستەر ستی یا ئینگلیزی یا بەرھەڤە ب مەرج گرێبەستا یاریکەرێ خوە سێرجیو ئەگوێروی یێ ئەرجەنتینی نوو بکەت.
رۆژناما زە سەن یا ئینگلیزی دیار کرییە: کارگێرییا یانا مانچستەر ستی یا بەرھەڤە ب مەرج گرێبەستا ھێرشبەرێ ئەرجەنتینی بۆ وەرزەکێ دیتر نوو بکەت، ئەو ژی ھەکە ئەو یاریکەرە رازی بیت مووچێ وی بھێتە کێمکرن.
د نوکە دا ئەو ھێرشبەرە د حەفتیێ دا ٢٦٠ ھزار پاوەندان وەردگریت، لێ یانا مانچستەر ستی داخواز ژێ کرییە، حەفتییانە ١٣٠ ھزار پاوەندان وەربگریت و مووچێ وی ب نیڤی بکەت.
سێرجیو ئەگوێرو یێ ٣٢ سالی ئەڤە دەمێ ١٠ سالانە ل ناڤا رێزێن یانا مان ستی یارێ دکەت و گرێبەستا وی ژی دێ ل ڤێ ھاڤینێ ب دووماھی ھێت.
