بەدەل گابێرکی، نڤێسەرێ باژارێ دھۆکێ په‌رتوکا خوە یا ب ناڤێ (ب تنێ ئەڤرۆ دێ ژیم) چاپکر.
بەدەل گابێرکی، نڤێسەرێ په‌رتوکێ بۆ خانی نیوز گۆت: د نڤێسینا په‌رتوکێ دا وی سەربۆرێن زانا و بەرنیاسێن جیھانی یێن سەرکەفتی وەرگرتینە و پشکەکا دی یا په‌رتوکێ ژ ھزر و نڤێسانا وی یە و ئارمانجا وی ژ نڤێسانا ڤی جۆرێ پرتۆکێ ژی، گەشەپێدانا مرۆڤی یە کو ئەگەر د شکەستنان دا بێ ھیڤی نەبیت و دێ دسەرکەڤتنێ ھەر ب دەستڤەئینیت.
نڤێسەرێ په‌رتوکێ خویا ژی کر، پرتۆکا (ب تنێ ئەڤرۆ دێ ژیم)، شێوازەکێ نوو یە و بەریا نھا وی ب ڤی شێوازی نەنڤێسایە کو دەرکەفتنە ژ بیاڤێ کلاسیک و ئەدەب و رۆمانێ، بەلکو نڤێسینەکا گەشەپێدانا مرۆڤی یە و ئەڤ بیاڤە وەک گولەکا هه‌رده‌م بھێته ئاڤدان؛ مرۆڤی پێشدئێخیت.
په‌رتوکا (ب تنێ ئەڤرۆ دێ ژیم)، په‌رتوكا چارێ یا نڤێسه‌رى یه و ژ پێداچوونا زمانی یا کارزان فەقی، سەرنڤێسەرێ خانی نیوز یێ راگەھاندنێ یە و ١٧٥ بابەتێن جودا یێن گەشەپێدانا مرۆڤی و چیرۆکێن سەرکەفتی بخوەڤە دگریت.
