سەرۆکێ لێژنا پێشمەرگەی ل پەرلەمانێ کوردستانێ ئاشکراکر کو نوکە وەزاره‌تا پێشمەرگەی یا کار ل سەر لیستێن سالا ٢٠١٨ یا پلەبەرزکرنا پێشمەرگەی دکەت، پشتى به‌رهه‌ڤ دبیت دێ پێشکێشی جڤاتا وەزیران ھێتەکرن دا بریار ل سەر بھێتەدان.
رێڤینک ھروری، سەرۆکێ لێژنا پێشمەرگەی ل پەرلەمانێ کوردستانێ بۆ خانی نیۆز گۆت: مافێ پێشمەرگه‌یێ کوردستانێ یە، پلێن وا بھێنە بەرزکرن، ئەڤە ئەرکەک بوو ھەم لێژنا پەرلەمانێ کوردستانێ و ھەم وەزارەتا پێشمەرگه‌یێ کوردستانێ، ھەتا سەرۆکاتیێن ھەرێمێ و جڤاتا وەزیران ل سەر پلە بەرزکرنا پێشمەرگەی رازیبوون، رۆژێن بۆری ٥٧٥٩ ئەفسەر ھاتنە پلە بەرزكرن.
سەرۆکێ لێژنا پێشمەرگەی گۆتژی: ئەڤە مافێن پێشمەرگەی بوون، نوکە ژى کار ل سەر لیستێن پلەبەرزکرنا ئەفسەرێن پێشمەرگەی ئەوێن ٢٠١٨ دھێـنەکرن، پشتى كو ب دووماهى دهێت بۆ رازیبوون ل سه‌ر پله‌به‌رزركرنا وان ئه‌فسه‌ران؛ دێ ئه‌و لیست پێشکێشی ئەنجوومەنێ وەزیران ھێنەکرن.
خانی نیۆز، سالار محەمەد دۆسکی
