وەزارەتا ساخلەمییا حکومەتا ھەرێما کوردستانێ ئامارێن نوو یێن کۆرۆنایێ راگەھاندن و دیار كرییه: د ده‌مێ ٢٤ دەمژمێرێن بۆری دا ٩٧ کەسێن دی ل هه‌رێمێ تووشی کۆرۆنایێ بووینە، ژ وان ژى ٢١ ل ھەولێرێ و ٣١ ل سلێمانیێ و 45 حاله‌ت ژى ل دهۆكێ ھاتینە تۆمارکرن.
ھەروه‌سا گۆتییه: د ده‌مێ ٢٤ دەمژمێرێن بۆری دا، دوو تووشبوویان وه‌غه‌ر كرییه كو ئێك ل سلێمانیێ بوویه و ئێك ژى ل گەرمییان.
وه‌زاره‌تا ساخله‌مییێ ئه‌و ژى دیار كرییه: نۆكه ھژمارا گشتی یا تووشبوویێن کۆرۆنایێ گەھشتییە ١٠٥ ھزار و ١٧١ کەسان، ژ وان ژى ٨٧ ھزار و ٧٤٨ کەس ب ته‌مامى چارەسەر بووینە، دیسان سێ ھزار و ٤٤١ کەسان ژی ب كۆرۆنایێ وه‌غه‌ركرییه.
